КХДРнинг мингдан ортиқ фуқаролари доимий равишда Малайзияда ишлайди ва яшайди, уларнинг кўпчилиги разведкачилик фаолияти билан шуғулланади. Бу ҳақда Малайзиянинг BERNAMA давлат агентлиги махсус хизматлардаги манбаларига таяниб маълум қилди, деб ёзади «ТАСС».
Хусусан, кўплаб шимолий кореяликлар ахборот технологиялари соҳасида ишлайди. «Уларнинг бир қисми КХДР разведкаси томонидан ахборот йиғиш учун ёллангани тахмин қилинмоқда», — деди агентликнинг манбаси.
Бундан ташқари, шимолий кореяликларнинг яна бир қисми шарқий Саравак штатида малайзияликлар билан ҳамкорликда темир рудасини қазиб олиш бизнеси билан шуғулланади. Улар ҳам ватанига Малайзиядан турли маҳсулотларни етказиб беришга фаол ҳаракат қилади.
Шу билан бирга, КХДРлик ишчиларнинг кўпчилиги иш ҳақини бевосита олмайди: иш берувчи пулни Куала-Лумпурдаги элчихонага кўчириб беради. Шундан сўнг дипломатлар ўз мақомидан фойдаланиб, нақд пулни Пхеньянга чиқариб кетади.
Изоҳ (0)