АҚШ ва Мексика чегараларини ноқонуний кесиб ўтиш 2017 йил февраль ойида кескин қисқарди. Бу ҳақда The New York Times нашрига асосланиб, Meduza хабар берди.
АҚШ Божхона ва чегара хизматининг ойлик ҳисоботи маълумотларига кўра, февраль ойида икки мамлакат чегарасини бир кунда ўртача 840 киши ноқонуний кесиб ўтишга ҳаракат қилди. Бу 2017 йил январь ойига нисбатан 39 фоизга кам.
2016 йил февралига таққослаганда Мексика билан чегараларни ноқонуний кесиб ўтишга уринишлар сони 36 фоизга қисқарди.
Экспертларнинг фикрига кўра, чегарани ноқонуний кесиб ўтувчилар сонининг камайиши Дональд Трампнинг президентлик лавозимига келиши билан боғлиқ. Трампнинг сайловолди кампанияси дастурининг асосий йўналишларидан бири ноқонуний муҳожирларга қарши кураш эди. Шу факт ҳам ноқонуний муҳожирларнинг камайишига таъсир кўрсатиши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)