Аччиқ озиқ-овқатлар кўпгина фойдали хусусиятларга эгадир. Биринчи навбатда улар жигарнинг соғлом фаолияти учун жуда катта аҳамият касб этади. Жигар организмни ташқи муҳит ва овқатлар орқали келиб тушадиган заҳарли моддалардан тозалашга ёрдам берадиган энг муҳим аъзолардан бири ҳисобланади.
Аччиқ сабзавотлар ва ўтлар таркибидаги фитонутриентлар холестерин ва ёғларни чиқаришда, қонни тозалашда ва гормонларни мувозанатлашда жигарга ёрдам беради.
Бундан ташқари, аччиқ маҳсулотлар овқатларнинг ҳазм қилинишига ва парчаланишига ёрдам берадиган меъда шираси ишлаб чиқарилишини таъминлайди.
Бўлинмаган аччиқ ўтлар ҳам витаминлар ва минералларга жуда бой бўлади.
Масалан, руккола таркиби тиамин, рибофлавин, B6 витамини, пантотен кислота, рух ва мис, толалар, А, C, К витаминлари, фоли кислоталари, кальций, темир, магний, фосфор, калий ва марганец каби элементлардан ташкил топган.
Аччиқ озиқ-овқатлар бемажоллик ва ланжликни енгишга, салбий холестерин даражасини камайтиришга ва гормон билан боғлиқ муаммоларни ҳал этишга ёрдам беради.
Сиз, балки ўзингиз билмаган ҳолда кўпгина аччиқ озиқ-овқатларни истеъмол қилаётган бўлишингиз мумкин. Брокколи карами, исмалоқ, қоқи ўти, какао кукуни, кинза ва руккола — энг кўп тарқалган ва энг фойдали аччиқ озиқ-овқатлар ҳисобланади.
Агар сиз қаҳва, спиртли ичимликлар каби аччиқ таъмларга ўч бўлсангиз, демак бу ҳали етарлича соғлом «аччиқлар»дан баҳраманд бўлмаганингиз белгисидир.
Аччиқ озиқ-овқатлардан кўпроқ фойда олиш учун уларни организмни тозаловчи ва жигар фаолиятини фаоллаштирувчи C витаминига бой бўлган маҳсулотлар билан бирга истеъмол қилишга ҳаракат қилинг.
Манба: «Live-up.cо»
Изоҳ (0)