Чойшаблар тўғрисида сиз билмаган фойдали маслаҳатлар

Чойшаблар жуда эҳтиёткорликни талаб қилади. Бизнинг маслаҳатларимиз сизга улардан фойдаланишда пайдо бўладиган муаммоларни ҳал этишда ёрдам беради.

Чойшаблар тоймаслиги учун ёпишқоқ тасмалардан фойдаланинг

Чойшабни тўшакка қадаб қўйиладиган тўғноғичларнинг баъзан очилиб кетиши ухлашга халал бериши ёки материални бузиши мумкин. Бу борада ёпишқоқ тасмалардан фойдаланиш энг яхши усул ҳисобланади.

Кўрпани маҳкамлаб қўйинг

Агар кўрпангиз жилднинг ичида йиғилиб қолаётган бўлса уни жилд ичига каттароқ тугмалар билан маҳкамлаб қўйинг.

Сатин чойшаблар соғлиқ учун фойдали

Пахта газламалар бирмунча қулай материал ҳисобланади. Унинг яна бир тури — сатин — соғлиқ учун фойдалироқ. Бундай чойшабларда одам унча терламайди, газлама юзасида эса деярли кир тўпланмайди.

Чойшабларни ювишда тескарисини ағдаринг

Бу усул чойшаб гулларининг ёрқинлигини ҳимоя қилишга ва узоқ вақтгача унинг янги ҳолатини сақлаб қолишга ёрдам беради.

Чойшабларни ёстиқ жилди ичида сақланг

Ёстиқ жилди чойшаблар учун чўнтак вазифасини бажаради, бу чойшабларни ихчам ва қулай қилиб жойлаштиришга ёрдам беради.

Чойшабларни кондиционерли ювиш воситаси ёрдамида ювинг

Кондиционерли ювиш воситаси чойшабларни юмшатади ва айнан у хушбўй ҳид беради.