Японияда Фукусима шаҳридан 46 километр шимоли-шарқда зилзила рўй берди. Бу ҳақда Россия Фанлар академияси Геофизика хизмати Олтой-Саян филиали маълум қилди, дея хабар беради «Интерфакс».
28 февраль, сешанба куни Тошкент вақти билан соат 12:49 да қайд этилган ер ости силкиниши магнитудаси 5,6 магнитудани ташкил этди.
Эпимарказдаги тебранишлар шиддатидан келиб чиқиб, зилзила «ўта кучли» деб баҳоланди.
Эслатиб ўтамиз, 2011 йил 11 мартида Япония шимоли-шарқида содир бўлган 9 балли ер қимирлаши оқибатида Фукусима атом электр станциясидаги ядровий реакторларда портлашлар рўй берган. Табиий офат туфайли салкам 16 минг киши ҳалок бўлган, 2,5 мингдан ортиқ киши дом-дараксиз йўқолганди.
Изоҳ (0)