Қўшма Штатлар Яқин Шарқда ҳарбий операциялар ва иттифоқдошларни қўллаб-қувватлаш учун 6 триллион доллар сарфлади, бироқ якунда ҳеч нарсага эришмади. Бу ҳақда АҚШ президенти Дональд Трамп Оқ уйда штат губернаторлари билан учрашувда маълум қилди, дея хабар беради «ТАСС».
Биз Яқин Шарқда 17 йил уруш олиб бордик. Бунинг учун 6 триллион доллар сарфланди. Бу умуман ақлга сиғмайди, ахир биз ҳеч нарсага эришмадик. Минтақада вазият бундан 16—17 йил аввалгига қараганда ёмон бўлса бўлдики, ўнгланмади.Дональд Трамп, АҚШ президенти
Дональд Трампнинг топшириғидан бир ой ўтиб, АҚШ Мудофаа вазирлиги Оқ уйга ИШИД террорчилик ташкилотига қарши курашни кучайтириш йўлларидан иборат режани юборди. Таклиф этилаётган режа ҳарбий, дипломатик ва молиявий чораларни ўз ичига олади.
Аввалроқ Дональд Трамп ИШИДни йўқотишга оид янги режани ишлаб чиқиш доирасида Сурияда террорчиларга қарши курашда янада фаолроқ иштирок этишга қарор қилиши мумкинлиги хабар қилинган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)