Ливия пойтахти Триполида бир неча кундан бери тинмаётган қуролли тўқнашувлар оқибатида ҳалок бўлганлар сони ўн кишига етди. Бу ҳақда «ТАСС» хабар бермоқда.
Тўқнашувлар 23 февраль куни оқшомда, Триполининг Абу-Слим туманида Миллий бирдамлик ҳукумати раҳбари Фаиз Сараж тарафдорлари ва таъқибга учраган бош вазир Халифа ал-Гвейл ҳаммаслаклари ўртасида бошланган эди.
Ҳар икки томон бир-бирини ўз жангариларини ўғирлаб кетишда айблаб чиққан, шундан сўнг тўқнашувлар бошланиб кетган.
Хабар беришларича, можаро вақтида нафақат енгил ўқотар қуроллардан, балки танклардан ҳам фойдаланилмоқда. Натижада бир неча шифохона, турар жой бинолари, дўкон ва мактаблар ёниб кетган ё қисман вайрон бўлган.
Тартибсизликлар ортидан ҳозирги вақтда Ливияда бир-биридан мустақил ва айни вақтда бир-бири низолашаётган учта ҳукумат юзага келган. Бири — халқаро ҳамжамият томонидан қўллаб-қувватланаётган Саражнинг Миллий бирдамлик ҳукумати.
Иккинчиси — Триполидан 200 километр масофада жойлашган Мисратадан туриб ишлаётган, Умумий миллий конгресс (собиқ муваққат парламент) депутатлари томонидан тузилган ал-Гвейлнинг Миллий қутқарув ҳукумати.
Бундан ташқари, Абдулла Абдураҳмон ат-Таний бошчилигида Шарқий Вазирлар маҳкамаси ҳам мавжуд.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)