Суриянинг Ал-Боб шаҳри яқинида 24 февраль куни содир этилган ва 60 кишининг ўлимига сабаб бўлган террорчилик ҳаракати учун жавобгарлик ИШИД ўз зиммасига олди. Бу ҳақда «РИА Новости» хабар бермоқда.
Аввал хабар берилганидек, Ал-Бобдан саккиз километр масофада жойлашган «Сурия озодлик армияси» ва туркиялик ҳарбийларга тегишли назорат-ўтказиш пунктида бомба ўрнатилган автомобиль портлаган, оқибатда 60 киши ҳалок бўлган, ўнлаб одамлар тан жароҳати олган.
AFP’нинг «Сурия озодлик армияси»га асосланиб хабар беришича, ИШИДнинг худкуш-террорчиси туркиялик аскарлар йиғилиб турган жойга машинада кириб келган.
Кейинроқ иккинчи портлаш юз берган ва бунинг оқибатида саккиз киши ҳалок бўлган эди. Улардан икки нафари туркиялик ҳарбий хизматчи экани айтилмоқда.
Аввалроқ Туркия Бош штаби «Фрот қалқони» операцияси доирасида Ал-Бобнинг барча даҳалари террорчиларидан тозалангани ҳақида маълум қилган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)