Американинг New Yorker журнали янги сонининг анонсини эълон қилди, унинг муқовасида Владимир Путин тасвирланган, нашрнинг номи эса биринчи марта русча ҳарфлар билан ёзилган. Бу ҳақда TJournal хабар берди.
Рассом Барри Блитт қаламига мансуб муқовада Путин бир кўзли кўзойнак ёрдамида капалак қиёфасидаги АҚШ президенти Дональд Трампга қараётгани акс этган. Янги муқовага берилган таърифда тасвирдаги қаҳрамоннинг исми Юстас Влидимирович Тиллей эканлиги айтилади.
Тасвир New Yorker’нинг 1925 йилда чиқарилган биринчи сонига мурожаат қилади. Унда капалакни монокль ёрдамида кўздан кечираётган жентльмен Юстас Тиллини кўриш мумкин эди. Кейинроқ Тиллининг тасвири нашр рамзига айланди.
«Владимир Путин Америкадаги сайловларга таъсир ўтказиши мумкин эди, аммо унинг режалари бундан-да улкан», — дейилади анонсда. Президент тасвирланган журнал сони 27 февраль куни чиқарилиб, Путин ва Трампнинг муносабатлари ҳақидаги мақолалардан иборат бўлади.
Изоҳ (0)