Аргентина ғарбида автобус иштирокида юз берган йўл-транспорт ҳодисаси оқибатида 19 киши ҳалок бўлди, камида 21 киши тан жароҳати олган. Бу ҳақда «РИА Новости» хабар бермоқда.
Ҳодиса Мендоса вилоятида, Чилига олиб борувчи катта йўлда содир бўлган. Маҳаллий ОАВ ахборотига кўра, аварияга учраган автобус Чилининг ТурБус компаниясига тегишли.
ТурБус маълумотларига кўра, ағдарилган автобусда 32 аргентиналик, тўрт чилилик, бир колумбиялик ва бир Гаити фуқароси бўлган. Йўловчиларнинг камида уч нафари болалар бўлгани айтилмоқда.
Clarin портали ахборотига кўра, 16 киши ҳодиса жойида ҳалок бўлган, яна у киши олган жароҳатлари натижасида шифохонада вафот этган.
Маҳаллий маъмурият ҳодиса юзасидан суриштирув-текширув ишларини олиб бормоқда. Дастлабки маълумотларга кўра, автобус ҳайдовчиси бошқарувни йўқотган.
Омон қолганларнинг сўзларига кўра, тезликнинг белгиланган меъёрдан оширилгани ҳам ЙТҲ сабабчиси бўлиши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)