Туркия қуролли кучлари Бош штаби бошлиғи генерал Хулуси Акар Сурия шимолида «Фрот қалқони» операцияси доирасида қўйилган мақсадларга эришилгани ҳақида маълум қилди, деб ёзади «Коммерсантъ».
«Эл-Баб устидан назорат ўрнатилгач, биз минтақадаги муҳитни нормаллаштиришга ва маҳаллий аҳолининг ўз уйларига қайтишини тезлаштиришга ҳаракат қиламиз», — деди ҳарбий хизматчи.
Генерал Акар Сурия шимолига жойлаштирилган ҳарбий қисмларни назоратдан ўтказди. У минтақа ИШИД террорчилик ташкилоти жангариларидан озод этилганини таъкидлади ва операция «халқаро меъёрлар билан тартибга солинмаган ҳарбий низо шароитларида ўтказилгани»ни айтди.
Эл-Бабнинг қўлга олингани ҳақида Туркия Бош штаби бошлиғи 16 февралда эълон қилган эди. Бир ҳафтадан сўнг Суриянинг мухолифат қуролли қисмлари шаҳарнинг ИШИДдан тўлиқ озод этилганини хабар қилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)