Ўзбекистон Суперлигаси 14-тур доирасидаги “Бунёдкор” — “Сўғдиёна” учрашуви якунига етди. Голларга бой ва кескин тарзда кечган баҳсда “қалдирғочлар” камбек амалга ошириб, Жиззах клубини 3:2 ҳисобида мағлуб этди.
Учрашувдаги ҳисоб 26-дақиқада “Сўғдиёна” футболчиси Зоир Жўрабоев томонидан очилган бўлса, 39-дақиқада Станислав Андреев меҳмонларнинг иккинчи голни киритди ва ҳисобни 0:2 кўринишига келтириб қўйди. Бироқ 45-дақиқада Носиржон Абдусаломов “Бунёдкор” сафида жавоб голига муаллифлик қилиб, биринчи бўлим 1:2 ҳисобида якунланишини таъминлади.
Иккинчи тайм ҳам юқори суръатда бошланди. Ҳар икки жамоа фаол ҳужумлар уюштирди. 72-дақиқада Луис Качорри “Бунёдкор”нинг иккинчи голига муаллифлик қилиб, ҳисобни тенглаштирди. 77-дақиқада эса Музаффар Олимжонов мезбонларнинг ўйиндаги учинчи голни киритди — 3:2.
Мазкур ҳисоб ўйин якунигача сақланиб қолди ва “Бунёдкор” навбатдаги уч очкони қўлга киритди.
14-турдан сўнг “Бунёдкор” турнир жадвалидаги онлайн маълумотларга кўра 24 очко билан 4-ўринни эгаллаб турибди. “Сўғдиёна” эса 13 очко билан 13-поғонада бормоқда.
Ўзбекистон Суперлигаси
14-тур
29 июнь, якшанба
“Бунёдкор” — “Сўғдиёна” 3:2
Голлар: 0:1 — Зоир Жўрабоев (26), 0:2 — Станислав Андреев (39), 1:2 — Носиржон Абдусаломов (45), 2:2 — Луис Качорри (72), 3:2 — Музаффар Олимжонов (77)
Изоҳ (0)