Россия Сурия ҳукуматига нисбатан санкциялар тўғрисида тайёрланаётган БМТ резолюциясини блоклаб қўйиш учун ўзининг вето ҳуқуқидан фойдаланади, деб ёзади «Коммерсантъ».
Россиянинг халқаро ташкилотдаги мухтор вакили ўринбосари Владимир Сафронков AFP’га маълум қилишича, у «ўзларининг позициясини шерикларига етарлича очиқ-ойдин тушунтирган». Унинг сўзларига кўра, Москва Башар Асад режими томонидан кимёвий қурол қўлланилгани фактини тан олмайди.
Нашр эслатишича, 13 февраль куни Human Rights Watch халқаро ҳуқуқни муҳофаза қилиш ташкилоти жангарилар Алеппо шаҳрига уюштирган ҳужумнинг якуний босқичи чоғида ҳукумат қўшинлари томонидан кимёвий қурол қўлланилганидан дарак берувчи маълумотларга эга эканлигини маълум қилган эди. Ўз навбатида, Сурия мухолифатининг Музокаралар бўйича олий кенгаши Дамашқ ташқарисидаги исёнларни бостириш учун заҳарловчи моддалар ишлатилганини айтмоқда.
Изоҳ (0)