Verizon Yahoo интернет-ресурсини 4,48 млрд доллар эвазига харид қилиш ҳақида келишиб олди

АҚШнинг Verizon телекоммуникация компанияси Yahoo билан интернет-ресурсни сотиб олиш суммасини келишиб олди. Бу ҳақда «Ведомости» хабар бермоқда. 

Келишувнинг умумий суммаси 4,48 миллиард долларни ташкил этди ва Verizon учун аввал режалаштирилганидан 350 миллион доллар арзонроққа тушди. Бунга Yahoo билан боғлиқ 500 миллион фойдаланувчининг шахсий маълумотлари хакерлар томонидан ўғирланишига оид можаро туртки бўлгани билдирилмоқда.

Шунингдек, Yahoo бундай ҳолатлар такрорланган тақдирда кўриладиган зарарнинг ярмини қоплаш мажбуриятини зиммасига олди. 

Келишув 2017 йилнинг иккинчи чорагида якунига етказилиши кутилмоқда.

«Дарё»нинг Telegram’даги расмий канали — @toshqindaryo’га аъзо бўлинг!