AQShning Verizon telekommunikatsiya kompaniyasi Yahoo bilan internet-resursni sotib olish summasini kelishib oldi. Bu haqda “Vedomosti” xabar bermoqda.
Kelishuvning umumiy summasi 4,48 milliard dollarni tashkil etdi va Verizon uchun avval rejalashtirilganidan 350 million dollar arzonroqqa tushdi. Bunga Yahoo bilan bog‘liq 500 million foydalanuvchining shaxsiy ma’lumotlari xakerlar tomonidan o‘g‘irlanishiga oid mojaro turtki bo‘lgani bildirilmoqda.
Shuningdek, Yahoo bunday holatlar takrorlangan taqdirda ko‘riladigan zararning yarmini qoplash majburiyatini zimmasiga oldi.
Kelishuv 2017-yilning ikkinchi choragida yakuniga yetkazilishi kutilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)