КХДР ҳукумати Малайзияда вафот этган Шимолий Корея фуқароси жасадининг ушбу мамлакатда ёриб кўрилиши натижаларини тан олмаслигини маълум қилди ва бунда КХДР етакчиси Ким Чен Иннинг акаси — Ким Чон Нам исм-шарифини тилга олмади. Бу ҳақда Reuters КХДРнинг Малайзиядаги элчисининг расмий баёнотига таяниб хабар берди, деб ёзади «ТАСС».
Элчи ҳозирча эълон қилинмаган ёриб кўриш натижаларини у КХДР вакиллари иштирокисиз ўтказилгани ҳақидаги асос билан рад этди. Шу билан бир вақтда у Малайзия ҳукуматидан зудлик билан марҳумнинг жасадини Шимолий Корея вакилларига топширишни талаб қилди.
«Малайзия томони бизнинг рухсатимизсиз ва бевосита кузатувимизсиз жасадни ёриб кўрган, биз ўз иштирокимизсиз бир томонлама тартибда ўтказилган ёриб кўриш натижаларини қатъиян рад этамиз», — деди КХДРнинг Куала-Лумпурдаги элчиси Кан Чоль.
Эслатиб ўтамиз, КХДР етакчиси Ким Чен Иннинг акаси Ким Чон Намнинг ўлимига сирли пул жамғармалари билан боғлиқ можаро сабаб бўлгани тахминлардан бири сифатида илгари сурилмоқда.
Изоҳ (0)