Сурия қўшинлари Россия авиацияси кўмагида Алеппо шимоли-шарқидаги Тадеф аҳоли яшаш пунктидан ИШИДни қувиб чиқарди. Бу ҳақда «Коммерсантъ» хабар бермоқда.
«Газета.ru»нинг Россия Мудофаа вазирлиги томонидан тарқатилган хабарномага асосланиб маълум қилишича, махсус операция давомида ИШИДнинг 650 дан ортиқ жангариси йўқ қилинган.
Бундан ташқари, ИШИДнинг икки танки, тўртта зирҳли машинаси, қурол-яроғ ўрнатилган 18 та махсус автомобили, етти миномёти ва олтита «жиҳод-мобили» ҳам йўқ қилинган.
Маълумот учун, Суриядаги қуролли низо 2011 йил баҳоридан бери давом этмоқда. Ҳозирги вақтда мамлакатнинг 30 фоиз ҳудуди, хусусан, Дамашқ ва Алеппо каби шаҳарлар ҳукумат кучлари назорати остида турибди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)