Оқ уй ва Барак Обаманинг шахсий фотографи Пит Суза Дональд Трамп президентлик лавозимини эгаллаганидан бери Instagram’да аккаунтини юритмоқда. У эълон қилган кўплаб суратларда ҳокимиятни топшириш жараёни акс этган, шундан сўнг Суза тармоқда Обама иштирокидаги эски фотоларни жойлаштира бошлади, дея ҳикоя қилади TJournal.
The Guardian нашри собиқ президент ҳаётига оид кадрлар Трампнинг ҳаракатлари билан таққосланаётгандек таассурот қолдираётганига эътибор қаратди. Масалан, Суза Трампнинг иммиграция ҳақидаги фармонидан сўнг Обама қочоқ қиз билан суҳбатлашаётган суратини чоп этди.
Трамп Австралия бош вазири Малкольм Тернбулл билан телефонда қаттиқ оҳангда гаплашгани ҳақидаги хабарлардан кейин Обама у ва Янги Зеландия бош вазири билан дўстона суҳбатлашаётгани акс этган сурат пайдо бўлди.
Фотолардан бирида Суза Обама маъмуриятидаги аёллар сонига эътибор қаратган. Бунгача эса матбуотда Трамп навбатдаги фармонни имзолаётгани ва уни фақат эркаклар қуршагани кўриниб турган суратлар берилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)