Сиэтл судига АҚШ президенти Дональд Трампнинг муҳожирлик ҳақидаги фармонига қарши жамоавий даъво киритилди. Бу ҳақда Америка фуқаролар эркинликлари иттифоқи (ACLU) вакили маълум қилди, дея хабар беради «Вестник Кавказа».
Фуқаролар ва муҳожирлар ҳуқуқларини ҳимоя қилувчи ташкилотлар федерал суддан АҚШда қонуний истиқомат қилаётган мусулмон муҳожирларга Америка фуқароси, доимий яшовчиси ва қочоқ мақомини олишига тўсқинлик қилувчи аксилконституциявий тақиқни бекор қилишни талаб қилди.
Трампнинг фармонида АҚШда истиқомат қилувчи мусулмон мамлакатларидан келган муҳожирлар мақоми ўзгартирилиши кўрсатиб ўтилмаган бўлса-да, ACLU ва бошқа нодавлат ташкилотлари мамлакатга келаётган муҳожирларнинг «танлаб олиниши» ҳозирда Америкада яшаётган кишиларга ҳам тааллуқли деб ҳисобламоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)