Оқ уй бир-икки кунга Флоридадаги «қишки бош қароргоҳ»га бориб келади. АҚШ президентининг матбуот котиби Шон Спайсер бу ҳақда журналистлар учун брифингда маълум қилди, деб ёзади «ТАСС».
Аслида гап шунчаки Дональд Трампнинг яқин бир-икки кунга ўзининг Флоридадаги Мар-а-Ларго қўрғонига кетиши ҳақида бораётган эди, аммо Спайсер президент «қишки Оқ уй»га отланаётганини айтди. «Флоридада туриб, у маслаҳатчилар ва аппарат ходимлари билан телефон орқали суҳбатда бўлади. Воқеаларга бой навбатдаги ҳафта Америка халқи манфаатларини ҳисобга олган ҳолда режалаштирилади», — дея аниқлик киритди Спайсер.
Унинг сўзларига кўра, душанба куни Трамп Флориданинг Тампа шаҳри яқинидаги Макдилл авиабазасида АҚШ Марказий қўмондонлиги ва махсус топшириқли бўлинмалар қўмондонлигига ташриф буюради. Душанба куни кечқурун президент Вашингтонга қайтиб келади.
Изоҳ (0)