ОПЕК томонидан январь ойида нефть қазиб олиш ҳажми 1 миллион баррелдан кўпроққа камайди. Шу тариқа ОПЕК ва картелга аъзо бўлмаган нефть экспорт қилувчи мамлакатларнинг Венадаги келишув шартлари 82 фоизга бажарилди. Бу ҳақда «Вестник Кавказа» хабар бермоқда.
Bloomberg маълумотларига кўра, Австрия пойтахтида хом ашё қазиб олиш ҳажмини суткасига 1,8 миллион баррелга камайтириш тўғрисидаги келишувни имзолаган картелнинг 10 аъзоси келишилган ҳажмларнинг 83 фоизини қисқартирди. Бироқ Эрон, Нигерия ва Ливияда қазиб олиш кўпайгани туфайли уларнинг уринишлари кутилган самарани бермади.
Мазкур давлатлар ва картелда аъзолигини тўхтатган Индонезия ҳисобига ОПЕК қазиб олиш ҳажми келишувдагидан кунига 550 минг баррелга кўп бўлди. Бу эса хом ашё ортиқчалигини бартараф этиш ва нархларни кўтаришга қаратилган режанинг ҳозирча 60 фоизга бажарилганини кўрсатади.
ОПЕКнинг келишув шартлари бажарилишини кузатиб бораётган қўмитаси раиси бўлган Кувайт нефть саноати вазирига кўра, картель режалаштирилган қисқартиришлар 100 фоиз бажарилишига умид билдирмоқда. 2008 йилда ОПЕКнинг шундай келишуви ижроси 70 фоизли кўрсаткичда қолиб кетганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)