Uber такси сервиси асосчиси ва бош директори Трэвис Каланик муҳожирлар масаласи бўйича Дональд Трамп билан зиддиятлар юзага келгани туфайли АҚШ президенти маъмурияти ҳузуридаги бизнес бўйича маслаҳатлашув кенгашидан чиқди, деб ёзади TJournal.
Каланик айтишича, ўз қароридан олдин у Трамп билан кичик суҳбат ўтказиб, унга унинг муҳожирликка қарши фармони Америка жамоатчилигига муаммолар келтириши, оилаларни ажратиб юбориши ва бутун дунёни хавотирга қўйишини тушунтиришга уринган.
Каланикдан ташқари, иқтисодий кенгашга 16 нафар америкалик йирик бизнесменлар, шу жумладан, SpaceX компанияси раҳбари Элон Маск ва PepsiCo корпорациясидан Индра Нуйи ҳам киради. Қўмита 2016 йил декабрида мамлакатнинг етакчи тадбиркорларини давлат раҳбари билан доимий равишда учраштириб туриш учун ташкил қилинган эди.
Изоҳ (0)