АҚШда оммабоп бўлган Nordstrom универмаглар тармоғи президентнинг қизи Иванка Трамп фирмасининг кийим-кечакларини сотиб олишдан бош тортди, деб ёзади «ТАСС». Бу товарлар шу йилнинг кузида очиладиган навбатдаги мавсум ассортиментига киритилмаган.
Nordstrom ўз қаророни бренднинг яхши сотилмаслиги билан изоҳлади. «Биз сотиб олиш ҳақидаги қароримиз савдолар натижаларига асосланишини доим айтиб келганмиз. Бизда минглаб турли брендлар буюмлари сотилади, шу жумладан, сайтнинг ўзида 2 мингдан ошиқ бренд бор», — дея маълум қилди тармоқнинг матбуот хизмати.
«Ҳар йили биз тахминан 10 фоизини саралаб оламиз ва ўз ассортиментимизни шунча миқдордаги товарлар билан янгилаймиз. Бу ҳолда савдо кўрсаткичларини ҳисобга олиб, биз келаси мавсумда ушбу брендни сотиб олмасликка қарор қилдик», — дея қўшимча қилишди Nordstrom’дагилар.
Изоҳ (0)