Саудия Арабистони март ойидан АҚШ, Европа ва Осиёга экспорт учун мўлжалланган нефть нархини оширади. Бу ҳақда мамлакатнинг Saudi Aramco давлат нефть компанияси манбаларига таяниб, Bloomberg маълум қилди, дея хабар беради «Коммерсантъ».
Осиёлик харидорлар учун нефтнинг енгил тури нархи 30 центга ошади. Нархлар АҚШ, Шимоли-Ғарбий Европа, Ўртаер денгизи ва Осиёда сотиш учун мўлжалланган нефтнинг барча турлари учун ҳам кўтарилади.
Ўтган йили ҳам Saudi Aramco Осиё ва АҚШ учун нефтининг деярли барча турларига нархларни оширганди.
Экспертлар 2016 йил бошидан нефть котировкаларининг 80 фоизга кўтарилгани Саудия Арабистонига хом ашё баҳосини оширган тақдирда ҳам дунёдаги йирик экспортчи мақомини сақлаб қолишига ишонч уйғотганини таъкидламоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)