Оқ уй АҚШ президенти Дональд Трамп Мексика етакчиси Энрике Пенья Ньето билан суҳбатида чиндан ҳам наркокартеллар ва ноқонуний муҳожирлар билан боғлиқ муаммоларни ҳал этиш учун Америка қўшинларини юбориш имконияти ҳақида гапирганини тасдиқлади, дея хабар беради «Коммерсант.ru».
Оқ уй вакилига кўра, «бу бор-йўғи Мексика президентини ҳамкорликка таклиф этиш» бўлган.
AP агентлиги олдинроқ икки президентнинг телефон орқали суҳбати матнига таяниб, Трамп «мексикалик ҳарбийлар ўзлари уддалай олмаса, АҚШ қуролли кучларини ёмон йигитларга қарши курашиш учун жўнатиш билан таҳдид қилгани»ни билдирганди.
Оқ уй ўшанда бунга изоҳ бермаган, Мексика ТИВ эса инкор этиб, «мулоқот амалий ҳамкорлик руҳида кечганини» таъкидлаганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)