Футбол бўйича Англия Премьер-лигасининг 23-тури 1 февраль куни тунда бўлиб ўтадиган уч учрашув билан ўз якунига етади. 31 январь куни 7 та беллашув бўлиб ўтди.
Марказий ўйин чемпионлик учун кураш олиб бораётган «Ливерпуль» ва «Челси» клублари ўртасида кечиб, унда ғолиб аниқланмади — 1:1. Тўқнашув асосий вақти якунига 15 дақиқа қолганида Диего Коста пенальтидан аниқ фойдалана олмай, Лондон клубининг очко йўқотишига сабабчи бўлди. Қайд этиш керак, томонларнинг «Стэмфорд Бридж» стадионида бўлиб ўтган дастлабки ўйинида Юрген Клопп бошқарувидаги «Ливерпуль» 2:1 ҳисобида зафар қучганди.
Ўзининг сўнгги ўйинини Англия кубоги доирасида ўтказиб, «Саутгемптон» дарвозасига жавобсиз 5 та гол урган Лондоннинг «Арсенал» клуби АПЛ 23-турини ўз майдонидаги мағлубият билан якунлади. Арсен Венгер мухлислар қаторида кузатган ўйин «Уотфорд»нинг 2:1 ҳисобидаги ғалабаси билан интихо топди.
Лондоннинг бошқа бир клуби «Тоттенҳэм» лигада сўнгги ўринни эгаллаб турган «Сандерленд»ни таслим қила олмади — 0:0. Қўлга киритилган 1 очко Дэвид Мойес мураббийлик қилаётган «Сандерленд»ни бир поғона юқорига олиб чиқди.
Бугун Манчестер шаҳри клубларида тўрт етакчига яқинлашиб олиш учун яхши имконият бор. «Сити» Лондонда «Вест Ҳэм»га қарши саф тортса, «Юнайтед» ўз майдонида сўнгги ўриндаги «Халл Сити»ни қабул қилади. «Йўлбарслар» ўтган ҳафта Жозе Моуриньо жамоасининг мағлубиятсиз сериясига якун ясаб берганди.
Англия Премьер-лигаси 23-тур беллашувлари 31 январь, сешанба
«Арсенал» — «Уотфорд» 1:2
Голлар: Юнус Кабуль, 10 (0:1). Трой Дини, 13 (0:2). Алекс Ивоби, 58 (1:2).«Бёрнли» — «Лестер» 1:0
Гол: Сэм Воукс, 88 (1:0).«Борнмут» — «Кристал Пэлас» 0:2
Голлар: Скотт Данн, 47 (0:1). Кристиан Бентеке, 90+2 (0:2).«Мидлсбро» — «Вест Бромвич» 1:1
Голлар: Жеймс Моррисон, 6 (0:1). Альваро Негредо, 17-пен (1:1).«Сандерленд» — «Тоттенҳэм» 0:0
«Суонси» — «Саутгемптон» 2:1
Голлар: Альфи Моусон, 38 (1:0). Шейн Лонг, 57 (1:1). Гильфи Сигурдссон, 70 (2:1).«Ливерпуль» — «Челси» 1:1
Голлар: Давид Луис, 24 (0:1). Жоржиньо Вейналдум, 57 (1:1).Ноаниқ пенальти: Диего Коста, 76 (Ч).1 февраль, чоршанба«Вест Ҳэм» — «Манчестер Сити»«Манчестер Юнайтед» — «Халл Сити»«Сток Сити» — «Эвертон»
Изоҳ (0)