Ямайкалик югурувчи Усэйн Болт ва унинг терма жамоадаги шериклари Пекинда 2008 йили ўтказилган Олимпия ўйинлари эстафета бўйича олтин медалини Халқаро олимпия қўмитасига қайтарди. Бу ҳақда «Коммерсантъ» хабар бермоқда.
«Медалларимдан бирини топшираётганим мен учун оғир. Бироқ бунга мажбурман, чунки ХОҚ талаблари шундай. Норози эканлигимни яширмайман, аммо ўзимни қўлга олдим», — дея таъкидлади Болт.
Эслатиб ўтамиз, Неста Картердан допинг текшируви чоғида тақиқланган модда — метилгексанамин топилгандан сўнг Ямайка терма жамоаси дисквалификация қилинди ва спортчилар олтин медалдан маҳрум этилди. Ўша эстафета якунига кўра ямайкалик югурувчилар жаҳон рекордини ўрнатган эди.
Эндиликда Болтнинг Олимпиададаги медаллари сони 8 тага қисқарди.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)