Халқаро олимпия қўмитаси 2008 йилги Пекин Олимпиадасининг 4×100 эстафета пойгаларида олтин медални қўлга киритган Ямайка терма жамоасини дисквалификация қилди.
Meduza’нинг ёзишича, мазкур қарор жамоа аъзоларидан бири, югурувчи Неста Картер тақиқланган моддаларни истеъмол қилгани аниқланганидан сўнг қабул қилинган.
Жамоанинг дисквалификацияси сабаб, мазкур эстафетада қатнашган жаҳон рекордчиси Усейн Болт ҳам ўз медалидан маҳрум бўлди. Ўша пойга якунига кўра, ямайкалик югурувчилар жаҳон рекордини ўрнатган эди.
Картердан ташқари, россиялик сакровчи Татьяна Лебедева ҳам допинг қабул қилганликда айбдор деб топилган. У 2008 йилги Олимпиадада қўлга киритган иккита кумуш медалидан айрилган.
Аввалроқ Жаҳон антидопинг агентлиги (WADA) текширув ўтказиб, россиялик спортчиларни мунтазам равишда допинг қабул қилишда айблаб чиққан эди. Енгил атлетика бўйича Россия терма жамоаси эса Рио-де-Жанейрода бўлиб ўтган 2016 йилги Олимпиададан четлатилган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)