Италия марказидаги Гран-Сассо тоғли ҳудудида жойлашган Rigopiano di Farindola меҳмонхонасининг қор кўчкиси остида қолиши натижасида қурбон бўлганлар сони 14 нафарга етди. Бу ҳақда ANSA ахборот агентлиги хабар берди.
Аввалроқ воқеа қурбонлари сони 9 кишига етгани ҳақида хабар берилган эди. Ўтган тунда вайроналар остидан уч эркакнинг жасади чиқариб олинди. Кейинроқ яна икки аёлнинг жасади вайроналар остидан топилган. Шундай қилиб, бедарак кетганлар сони 15 кишини ташкил қилмоқда.
Қор кўчиши вақтида меҳмонхонада бўлган 30 кишидан вайроналар остидан чиқариб олинган 9 киши, шу жумладан, 4 нафар ёш бола омон қолган. Шунингдек, ҳалокат содир бўлишидан бироз олдин меҳмонхонадан чиқиб кетган икки киши ҳам тирик қолган.
Қидирув-қутқарув ишлари давом этмоқда. Прокуратура ҳодиса юзасидан далилларни ўрганмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)