Қирғизистон президенти Алмазбек Атамбаев мамлакат «Маъмурий жавобгарлик кодексига ўзгартиришлар киритиш тўғрисида»ги қонунни имзолади. Бу ҳақда Knews хабар бермоқда.
Қонун Қирғизистон парламенти томонидан 2016 йил 14 декабрида қабул қилинган эди.
Мазкур қонундан кўзланган мақсад — ёшларни тарбиялаш ҳамда жамиятдаги ахлоқ даражасини ошириш, жамоат жойларида алкоголь ва таркибида спирт бўлган маҳсулотлар, шунингдек, гиёҳванд ёки психотроп моддаларни истеъмол қилганлик учун маъмурий жавобгарликни кучайтириш йўли билан жамоат хавфсизлигини таъминлашдир.
«Қонунда вояга етмаганларни жамиятга қарши хулққа тортган шахсларнинг жавобгарлигини ошириш кўзда тутилган», — дейилади Қирғизистон президенти матбуот хизмати томонидан тарқатилган ахборотда.
Хабар беришларича, қонун расман эълон қилинганидан 10 кун ўтиб кучга киради.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)