Россиянинг узоқ масофага парвоз қилувчи олтита Ту-22М3 бомбардимончи самолётлари ИШИД марраларига авиазарбалар берди. Бу ҳақда «ТАСС» хабар бермоқда.
Ироқ ва Эрон устидан учиб ўтган самолётлар ИШИДнинг Дайр-аз-Зор (Сурия) аҳоли яшаш пунктида ҳаракатда бўлган жангарилари бошқарув пункти, қурол ва ўқ-дори омборхоналарига зарба берди.
Россия Мудофаа вазирлигидан маълум қилишларича, белгиланган нишонларнинг барчаси йўқ қилингани объектив назорат воситалари орқали тасдиқланган.
Аввалроқ Россия Қуролли кучлари Бош штаби Тезкор бошқармаси бошлиғи, генерал-лейтенант Сергей Рудский Дайр-аз-Зорда мураккаб вазият юзага келгани, сон жиҳатдан кўпчилик бўлган жангарилар шаҳарни муттасил қамал қилаётгани, агар шаҳар таслим бўлса, унинг аҳолиси геноцид хавфи остида қолиши мумкинлигини маълум қилган эди.
«ТАСС»нинг ёзишича, Россиянинг бомбардимончи самолётлари 21 январь куни ҳам Дайр-аз-Зорда шу каби операцияни муваффақиятли ўтказган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)