Уч эркак, жумладан, 77 ёшли пенсионер Нидерландиянинг Хазелдонк шаҳрида 4 тонна кокаин билан қўлга олинди. Бу ҳақда маҳаллий полиция маълум қилди, дея хабар беради «ТАСС».
Нидерландия божхонаси Бельгия полицияси томонидан етказилган маълумот асосида банан солинган қутилар орасига яширилган 4 тонна кокаинни топди. Бу Шимолий Брабант провинциясида мусодара этилган кокаиннинг энг йирик туркуми эканлиги билдирилди.
Telegraaf нашрига кўра, «Ян Б. наркосавдогарлар орасида яхши маълум ва ҳуқуқ-тартибот идоралари ходимлари томонидан бир неча бор наркотиклар билан боғлиқ ишлар туфайли қамоққа олинган».
Уч эркак ҳам қўлга олинди. Улардан бири пенсионер, яна бири унинг набираси эканлиги айтилмоқда. Учинчи жиноятчи ҳақида ҳеч нарса маълум қилинмади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)