Голландияда Йозеф Блаттернинг ФИФА президенти лавозимини тарк этишига бағишланган режиссёр Том де Кетнинг пьесаси премьераси бўлиб ўтди. Бу ҳақда «Sports.ru» хабар бермоқда.
Де Кет ўз версиясида Йозеф Блаттернинг 2015 йилнинг май ойида ФИФА президенти лавозимига қайта сайланганидан истеъфога чиқиш ҳақида маълум қилгунича ўтган 5 кун ичида нималар содир бўлганини кўрсатиб берган. Блаттер 1998 йилдан бери ФИФА президенти лавозимида ишлаб келаётган эди.
Пьесада Чарльз Диккенснинг хасис бой Скруж ва Рождество арвоҳлари ҳақидаги «Рождество қўшиғи» классик асарига ўхшашлик келтирилган. Блаттернинг олдига «ўтмиш арвоҳлари» – ҳалок бўлган руҳоний, швейцариялик назоратчи, қатарлик коррупционер, хабарчи, қизи ва бошқа меҳмонлар келади.
Маълумот учун, 2011 йилда ФИФА собиқ президенти Йозеф Блаттер Европа футбол иттифоқи (УЕФА) собиқ раҳбари Мишель Платинига 2 миллион Швейцария франкини ноқонуний равишда ўтказиб бергани учун 2015 йилнинг декабрь ойида саккиз йилга ҳар қандай футбол фаолиятидан четлаштирилганди. Кейинчалик ушбу четлаштириш олти йилга қисқартирилди.
Кейинроқ Блаттер Спорт арбитраж суди (CAS)га футболга оид фаолиятдан 6 йилга четлатилиш муддатини қисқартириш бўйича апелляция берди, бироқ у қондирилмади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)