Gollandiyada Yozef Blatterning FIFA prezidenti lavozimini tark etishiga bag‘ishlangan rejissor Tom de Ketning pyesasi premyerasi bo‘lib o‘tdi. Bu haqda “Sports.ru” xabar bermoqda.
De Ket o‘z versiyasida Yozef Blatterning 2015-yilning may oyida FIFA prezidenti lavozimiga qayta saylanganidan iste’foga chiqish haqida ma’lum qilgunicha o‘tgan 5 kun ichida nimalar sodir bo‘lganini ko‘rsatib bergan. Blatter 1998-yildan beri FIFA prezidenti lavozimida ishlab kelayotgan edi.
Pyesada Charlz Dikkensning xasis boy Skruj va Rojdestvo arvohlari haqidagi “Rojdestvo qo‘shig‘i” klassik asariga o‘xshashlik keltirilgan. Blatterning oldiga “o‘tmish arvohlari” – halok bo‘lgan ruhoniy, shveysariyalik nazoratchi, qatarlik korrupsioner, xabarchi, qizi va boshqa mehmonlar keladi.
Ma’lumot uchun, 2011-yilda FIFA sobiq prezidenti Yozef Blatter Yevropa futbol ittifoqi (UEFA) sobiq rahbari Mishel Platiniga 2 million Shveysariya frankini noqonuniy ravishda o‘tkazib bergani uchun 2015-yilning dekabr oyida sakkiz yilga har qanday futbol faoliyatidan chetlashtirilgandi. Keyinchalik ushbu chetlashtirish olti yilga qisqartirildi.
Keyinroq Blatter Sport arbitraj sudi (CAS)ga futbolga oid faoliyatdan 6 yilga chetlatilish muddatini qisqartirish bo‘yicha apellyatsiya berdi, biroq u qondirilmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)