Япониянинг Айти префектураси полицияси «АУМ Синрикё» ғояларининг давомчилари бўлган «Алеф» сектасининг икки нафар аъзосини ҳибсга олди. Бу ҳақда Япониянинг Kyodo агентлиги хабар берди, деб маълум қилади «ТАСС».
Таъкидланишича, «Алеф»нинг икки аъзоси 2016 йилда мамлакатдаги тинтувлар жараёнида жамоат хавфсизлиги тергов бошқармаси ходимларининг фаолиятига тўсқинлик қилишда шубҳаланиб қўлга олинган. «Алеф», шунингдек «Хикари но Ва» номи остида фоалият кўрсатувчи яна бир секта, ўзларининг қонуний фаолиятини давом эттирмоқда, бироқ ушбу диний ташкилотлар уларнинг биноларида даврий текширувлар ўтказувчи япон ҳуқуқни муҳофаза қилиш органларининг доимий кузатуви остида турибди.
Япония ҳукуматининг 2015 йилдаги расмий баёнотига кўра, «АУМ Синрикё»нинг давомчилари бўлган «Алеф» ва «Хикари но Ва» томонида оммавий террористик ҳаракатлар амалга оширилиши хавфи ҳанузгача сақланиб қолмоқда. «АУМ Синрикё» сектасининг 1995 йилда Токио метросига уюштирилган зарин ҳужуми вақтидаги аъзолари 1650 кишини ташкил қилган.
1995 йил 20 март куни эрталаб «АУМ Синрикё» сектаси аъзолари Токио метросининг бешта поездига зарин газини сепган. Ҳар бир қўпорувчида 2–3 пакетдан заҳарловчи газ бўлган. Пакетларни тешиб вагонларда қолдиришган. Ҳужум натижасида 13 киши ҳалок бўлган, 6,3 мингдан ортиқ киши жабрланган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)