Америкалик миллиардер Уоррен Баффетт ҳақидаги «Уоррен Баффеттга айланиш» номли ҳужжатли фильм трейлери чиқди. Унда машҳур бойвачча бозорлар тушган пайтда «Макдональдс» нонушталарида тежаш одати ҳақида гапириб берди. Фильм 2017 йил 30 январда HBO онлайн-кинотеатри орқали намойиш қилинади, деб хабар беради TJournal.
Роликда Баффетт «МакАвто» ресторанида нонушта сотиб олиши тасвирланган. Шу кадрдан сўнг у бозорлар қулаган пайти қандай таом танлаши ҳақида ҳикоя қилади.
«Илтимос, менга котлетали, тухумли ва пишлоқли ‘МакМаффин’. Бекон, тухум ва пишлоқли ‘МакМаффин’ 3,17 доллар туради, лекин бугун бозор тушмоқда, шу боис мен уни олмайман, 2,95 долларлик оламан», — дейди инвестор.
Баффетт бир неча йилдан буён «Макдональдс» ресторанларида умрининг охиригача бепул овқатланиш ҳуқуқини берадиган картага эгадир. Лекин у фақат Омаха шаҳрида амал қилади.
Изоҳ (0)