Финляндия бош вазири Юха Сипиля Ҳиндистонга амалга оширган ташрифи чоғида фарзандлари акциядор бўлган Chempolis компанияси делегация таркибига киритилганини билган ва компания йирик шартномани қўлга киритишига кўмак берган. Бу ҳақда маҳаллий ОАВлар маълум қилди, дея хабар беради «ТАСС».
2016 йил февралида Сипиля Финляндиянинг 17 та компания ва ташкилоти вакиллари билан Ҳиндистонга борган. Делегация таркибига эгалари қаторида бош вазирнинг яқин танишлари ва катта фарзандлари бўлган Chempolis ходимлари ҳам киритилганди. Ташрифнинг сўнгги куни компания Ҳиндистон шимолида биомассадан ёқилғи ишлаб чиқарадиган завод қурилиши учун 110 миллион еврога тенг шартнома имзоланганини эълон қилди.
Юха Сипилянинг ўзи бу айбловларни рад этмоқда.
Бундай сафарларга борадиган компаниялар рўйхатини мен эмас, фин бизнесининг халқаро бозорларга чиқишига ёрдам берадиган Finpro ташкилоти тузади. Chempolis ҳам таркибга киритилганини билардим, бироқ рўйхатдан чиқариб ташлаш учун асосим йўқ эди. Бу тенглик тамойилига зид бўларди.Ҳозирда мамлакат адлия канцлери офиси ва парламент омбудсмени мазкур масалага ойдинлик киритиш билан шуғулланмоқда.Юха Сипиля, Финляндия бош вазири
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)