20 ёшдан кейин терини парваришлаш қоидалари

Агар сиз 30—40 ёшдан кейин ҳам терингизни соғлом сақлашни хоҳласангиз, парваришни эртароқ бошлашингизга тўғри келади. Бу борада сизга бир неча маслаҳатлар бермоқчимиз.

Ухлашдан олдин юзингизни тозаланг

Кечга бориб юзингиз териси косметика, ёғ ва чанглардан иборат қатлам билан қопланади. Терини қуритишдан сақлайдиган тозаловчи юмшоқ мусс, кўпик ва геллар ёрдамида юзингизни тозаланг.

Уйқуга ётишдан аввал макияжни артиб ташланг

Ювиб ташлашдан эринсангиз, махсус салфетка ёрдамида юзингизни тозаланг.

Кўз атрофи териси учун SPF’ли крем танланг

Бу барвақт ажин тушишининг олдини олади ва узоқ вақт кўринишни ёш сақлайди.

Уйқуга тўймадингизми? Компресс қилинг

Сутга ёки қаймоққа ботирилган пахтани кўзнинг остки қисмига қўйиб 10 дақиқа ушлаб туринг.

Юз терисини гликол кислота ёрдамида пилинг қилинг

Агар юз териси тонал воситасисиз хира кўринса унга гликол кислотали пилинг ёрдам беради. Пилингдан сўнг намловчи крем сурилса, юз териси ярақлайди.

Терингиз учун мукаммал бўлган намловчи крем танланг

Таркибида глицерин ва гиалурон кислота мавжуд бўлган кремлар энг самарали ҳисобланади.

Қуёшдан ҳимояловчи воситалардан фойдаланинг

Бу воситалар ҳақиқий ёшликни сақловчилар ҳисобланади. Тез сингиб кетадиган ва юзда унча сезилмайдиган кремларни танланг.