Янги йил кечаси учун туфли танлашда қандай қоидаларга риоя қилиш керак?
1-қоида: Туфли қанчалик ўзига хос бўлса, кўйлак шунчалик оддий бўлиши керак
Эскироқ бўлса ҳам севимли кўйлагингизни янги сотиб олган туфли билан кийишингиз мумкин. Агар туфлининг тошли ёки мунчоқли безаклари бўлса, кичкина қора кўйлак кийсангиз ҳам бўлади.
2-қоида: Қора туфли ҳамма либослар билан мос келади
Учи ингичка қора «лодочка» туфли билан шу қиш урф бўлган тор шим – етарлича жиддий ва нозик услуб бўлиб, корпоратив кечалар учун жуда мос келади.
3-қоида: Қизил ранг ҳам ўзича чиройли
Қизил туфли ёпишиб турувчи либослар: тор шимли костюм ёки ёпишиб турувчи узун юбкалар билан жуда ярашади.
4-қоида: Учи узун туфлилар – фақат узун бўйлилар учун
Келаётган мавсумда ҳар хил рангдаги учи узун «лодочка» туфлилар урф бўлади. Туфли танлашда шуни унутмангки, учи уткир ва узун туфлилар бўйи узун қизларга мос келади. Ихчам гавдали қизларга эса учи думалоқ бўлган классик лодочкалар кўпроқ ярашади.
Изоҳ (0)