Янги йил байрамига уйни безатамиз: дизайнерлар маслаҳати

Бугун биз уйимизда Янги йил байрамини чинакамига ҳис қилишга ёрдам берадиган ўзига хос сеҳрли муҳит яратувчи ғоялар тўғрисида айтмоқчимиз.

Ҳар бурчакда байрам нафаси

Европа анъаналарига кўра уйни арча билан бир қаторда игнабаргли дарахт шохлари билан ҳам безатилади. Яхшиси, сунъий шохларни танлаб, кириш эшигига ичкаридан ўрнатган маъқул. Карнизлар ва хона эшикларини ҳар хил маржон шаклидаги ўйинчоқлар билан безаш мумкин. Жавон токчаларига эса янги йилга оид ҳар хил шаклдаги фигурачалар қўйиб чиқсангиз бўлади.

Hand-made

Бу мавсумда уйни қўлда ясалган ҳар хил нарсалар билан ясатиш урф бўлган. Ўзимиз қарағай шохларини тахлаб чиройли қилиб боғлаймиз ва устига сунъий қор сепиб, ўтинлар боғламига ўхшатиб арча тагига қўямиз.

Ўхшаш рангларда безаш

Кўпинча, уй арчага монанд равишда безатилади ёки аксинча арча уй безаклари рангига қараб ясатилади.

Дастурхон ва шамлар

Янги йил дастурхони уйнинг безакларига мос тушувчи рангда танланади. Агар уй безаклари қизил ёки тилла рангли тусда бўлса қизил рангли дастурхон, агар кўк ёки кумуш рангли бўлса совуқ ранг тусидаги дастурхонни танлаганингиз маъқул.