24 декабрь, шанба куни «Сбербанк»нинг Корпоратив университетида вице-губернаторлар учун ички сиёсат бўйича ўқув семинари якунланди, дея хабар бермоқда TJournal. Уни Россия президенти маъмурияти раҳбарининг биринчи ўринбосари Сергей Кириенко олиб борди. Семинарда президент сайловларида сайловчиларнинг 70 фоизи қатнашишига ва ўз номзоди учун шунча фоиз овоз тўплашга қандай эришиш ҳақида гапиришди.
Вице-губернаторлардан бирининг сўзларига кўра, семинарда иштирокчиларга асосий номзод сайловларда сайловчиларнинг 70 фоизи қатнашганда 70 фоиз натижа билан ғалаба қозониши кераклигини айтишган. Кремль талаби бўйича, унга сайловга келган сайловчиларнинг камида ярми овоз бериши керак.
Ҳудудлар раҳбарлари семинар чоғида президент сайловларига кўп сонли сайловчилар келишига эришиш бўйича ўқув топшириқларини бажарди.
Семинарнинг баъзи иштирокчилари айтишича, уларга бу «йиғилиш эмас, семинар» эканлиги таъкидлаб айтилган бўлса-да, ҳудудлар раҳбарлари тадбирда янграган рақамлар ва ўқув топшириқларини Кремль томонидан берилган вазифа сифатида қабул қилган.
Изоҳ (0)