Ту-154 ҳалокати қурбонларининг қариндошларидан биоматериаллар олиш бошланди, дея хабар бермоқда «Интерфакс» Россия мудофаа вазири ўринбосари Павел Поповга таяниб.
«ДНК таҳлили бўйича илк ишларни ўтказиш учун биоматериаллар йиғиш билан боғлиқ дастлабки ишлар олиб борилди», — деди мудофаа вазирлиги вакили ҳукумат комиссияси йиғилишида.
Унинг айтишича, Сочига қурбонлар оилаларининг 13 нафар аъзоси етиб келган, уч соатдан сўнг эса махсус борт уларни Москвага олиб боради.
Ўз навбатида, Сочи мэри Анатолий Пахомов қирғоқда авиаҳалокат қурбонларини қидириш ишларига маъмурият ва полициянинг барча ходимлари жалб қилинганини таъкидлади.
Аввалроқ Ту-154 самолёти ҳалокати қурбонларининг ўн нафарига тегишли жасадлар ортилган Ил-76 самолёти Сочидан Москвага учиб кетгани хабар берилган эди.
Изоҳ (0)