«Йўлчиларнинг синов полигони бу». Тошкентда йўл чизиқларининг камида олти турини бир жойда учратиш мумкин бўлган кўча бор

Facebook’даги «Водители Ташкента (Drivers.uz)» саҳифасида йўл чизиқларига кўча суратлари эълон қилинди. Гуруҳ аъзоларининг аниқлик киритишича, сурат Абдулла Қаҳҳор (собиқ Заводская) кўчасининг Тошкент аэропортига яқин қисмида олинган.

Суратда кўрсатилган йўлда камида олти хил турдаги йўл чизиқлари бир жойда аралаш тарзда чизилганини кўриш мумкин.

Чизиқлар орасида Ўзбекистон йўлларида деярли учрамайдиган реверсив ҳаракат чизиқлари ҳам бор.

Фойдаланувчилар Абдулла Қаҳҳор кўчасининг бу қисмини ҳазил-мутойибага олган. «Бу — йўлчиларнинг синов полигони», — деб ёзган фойдаланувчилардан бири.

«Биринчи марта ўша жойдан ўтганимда, ҳайратдан оғзим очилиб қолган», — деб ёзган яна бир фойдаланувчи. Суратлар муаллифи эса бу йўлни «Йил йўл чизиқлари» йўналишида ғолиб, деб эълон қилган.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.