Chevrolet компанияси янги авлод Traverse кроссовери тизерини намойиш этди. «Motor»нинг ёзишича, йўлтанламаснинг омма олдидаги премьераси 2017 йил январида Детройт автосалонида бўлиб ўтади.
Суратга қараб, кейинги авлод модели ён ойналарининг нисбатан ингичка экани, шунингдек, ғилдирак аркаларининг кенгайгани билан ҳозирги моделдан фарқ қилишини англаш мумкин.
Янги Chevrolet Traverse’нинг техник тавсифи ҳақида ҳозирча аниқ маълумотлар йўқ.
Модельнинг моторлар қаторида ҳозирги Traverse’ларга ҳам ўрнатилаётган ҳажми 3,6 литрли, 288 от кучига тенг V6 юргизгич бўлиши ҳам тахмин қилинмоқда.
Traverse тўрт цилиндрли мотор билан ҳам таъминланиши эҳтимоли йўқ эмас. Кроссовер ҳам олд, ҳам тўлиқ узатмали версияларда харидорларга таклиф қилинади.
Янги Chevrolet Traverse билан боғлиқ қолган маълумотлар унинг 2017 йил 9 январь куни бўладиган расмий премьераси арафасида маълум бўлади, деб кутилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)