“Yo‘lchilarning sinov poligoni bu”. Toshkentda yo‘l chiziqlarining kamida olti turini bir joyda uchratish mumkin bo‘lgan ko‘cha bor

Facebook’dagi “Voditeli Tashkenta (Drivers.uz)” sahifasida yo‘l chiziqlariga ko‘cha suratlari e’lon qilindi. Guruh a’zolarining aniqlik kiritishicha, surat Abdulla Qahhor (sobiq Zavodskaya) ko‘chasining Toshkent aeroportiga yaqin qismida olingan.

Suratda ko‘rsatilgan yo‘lda kamida olti xil turdagi yo‘l chiziqlari bir joyda aralash tarzda chizilganini ko‘rish mumkin.

Chiziqlar orasida O‘zbekiston yo‘llarida deyarli uchramaydigan reversiv harakat chiziqlari ham bor.

Foydalanuvchilar Abdulla Qahhor ko‘chasining bu qismini hazil-mutoyibaga olgan. “Bu — yo‘lchilarning sinov poligoni”, — deb yozgan foydalanuvchilardan biri.

“Birinchi marta o‘sha joydan o‘tganimda, hayratdan og‘zim ochilib qolgan”, — deb yozgan yana bir foydalanuvchi. Suratlar muallifi esa bu yo‘lni “Yil yo‘l chiziqlari” yo‘nalishida g‘olib, deb e’lon qilgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.