Россиянинг «Чемпионат» нашри Рождество таътили арафасида ўз эътиборини Жоржина Родригесга қаратди. Гўзалнинг Криштиану Роналду билан учраша бошлагани ОАВ эътиборидан четда қолиб кетмаганди.
Криштиану Роналду диққат марказда бўлиш учун ҳам дугоналарини тинимсиз ўзгартиради, деб изоҳ берилган. Футболчининг диди чакки эмас, шунинг учун ҳам у танлаган қизлар ҳафтанинг асосий гўзали бўлиб олишда катта қийинчиликка дуч келмайди.
Жоржина на модель, на актриса ва на қўшиқчи. У оддий бир қиз. Аниқланишича, Мадрид марказида жойлашган Gucci дўконида сотувчи бўлиб ишлайди.
Криштиану янги овунчоғини Dolce&Gabbana мода кўргазмасида учратиб қолди. Бахтни қарангки, футболчи 2014 йил Испания гўзали деб топилган Дезире Кордеро билан яқиндагина хайрлашганди.
Янги жуфтликни Париж Disneyлендида ҳам кўриб қолишди. Роналду парик ёрдамида бошқа одам қиёфасига киришга ҳаракат қилган бўлса-да, уринишлари бесамар кетди. Одамлар уни таниб, қизи билан суратга туширишни кечиктиришмади.
Роналду «Депортиво»га қарши Ла Лига доирасидаги сўнгги учрашувда майдонга тушмади ва уни мухлислар қаторида кузатди. Стадионда Криштиану Жоржина билан намоён бўлди.
.@Cristiano & girlfriend Georgina Rodriguez in attendance at tonight's game
— MARCA in English 🇺🇸 (@MARCAinENGLISH) December 10, 2016
BLOG: https://t.co/vKxff5yhov pic.twitter.com/h1e7ZGy0tT
Буни қарангки, Криштиану билан топишиб олган бахтли қизалоқ Gucci дўконидан бўшашга мажбур бўлди. «Реал» мухлислари ва маҳаллий журналистлар унга тинчгина ишлаш имконини ҳам беришмади. Қиз чидай олмади ва ариза ёзди. Кўринишидан у энди сотувчи бўлиб ишлашга у қадар муҳтож эмас. Gucci дўкони эса унинг орқасидан оқиб келаётган мухлислар оқимидан ажраб қолди.
Роналдунинг собиқ дугоналаридан фарқли ўлароқ, Жоржина машҳурликка интилмайди. У Роналдунинг ортидан ўзи учун ном қилаётгани йўқ. Оддий мисол, у Instagram саҳифасига қулф осди ва ОАВ билан мулоқотдан тинимсиз равишда қочмоқда.
Айни вақтда жуфтлик кўп вақтини бирга ўтказади. Роналду ҳаётидаги тўртинчи «Олтин тўп»ни қўлга киритган куни ҳам ресторанга Жоржина билан кириб келди.
Қаҳрамонимиз «Реал» иштирокидаги ўйинларни қўйиб юбормасликка ҳаракат қилмоқда. Роналдунинг дугоналари билан шартномасида «Реал» ўйинларини томоша қилиш борасида алоҳида банд борлиги аниқ, агар шундай шартноманинг ўзи бўлса.
Роналдунинг ошиқларини айни вақтда битта савол қийнамоқда: футболчининг Жоржина билан муносабатлари қанча вақт давом этади. Қизалоқ эса мағрурлик билан сукут сақламоқда. Балки жуфтликнинг мақсади чиндан ҳам жиддий чиқиб, улар оила қуриши ҳам мумкиндир. Ҳозирча эса тотализаторга бориб, Роналду янги қизидан қанчада воз кечишига бемалол гаров боғлаб келиш мумкин.
Изоҳ (0)