АҚШ Давлат департаменти мамлакатнинг Анқарадаги элчихонаси дарвозаси яқинида отишма юз берганини маълум қилди, деб ёзади «Газета.ru».
«Тўппонча билан қуролланган киши бизнинг Анқарадаги элчихонамиз дарвозаси ёнида ўт очган вақтда ҳеч ким жабрланмади», — деди муассаса вакили.
Унинг сўзларига кўра, Туркия ҳуқуқ-тартибот органлари ходимлари ўқ узган кимсани ҳибсга олган ва айни пайтда текширув ўтказмоқда.
Эслатиб ўтамиз, аввалроқ Анқарадаги Замонавий санъатлар марказида расм кўргазмаси очилиш маросимида Россиянинг Туркиядаги элчиси Андрей Карловга суиқасд уюштирилгани хабар берилган эди.
Изоҳ (0)