16 ёшли қўшиқчи Жеки Иванко АҚШнинг сайланган президенти Дональд Трампнинг инаугурация маросимида мамлакат мадҳиясини ижро этади. Бу ҳақда у NBC телеканалининг Today Show кўрсатуви эфирида маълум қилди.
«Жуда мамнунман. Бу қойилмақом иш бўлади», — дея хурсандлигини изҳор этди Иванко. Олдинроқ хонанда АҚШ президенти Барак Обама учун мўлжалланган тадбирларда икки бор куйлаган, шунингдек, Трамп қатнашган хайрия маросимида чиқиш қилганди.
Иванко «Америка истеъдодларни излайди» (America’s Got Talent) шоусидаги иштирокидан сўнг танилди. У мазкур танловда иккинчи ўринни эгаллаган. Ҳозиргача хонанда 6 та мусиқали альбомни ёзишга улгурди, улардан биринчиси 9 ёшлигида чиқарилган.
Жеки Иванко АҚШда альбоми «Платинали» мақомини олган энг ёш якка ижрочи саналади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)