Россия ва Япониянинг иқтисодий соҳадаги ҳамкорлиги икки мамлакат шериклик алоқаларини ривожлантириш учун пойдевор яратиш имконини беради. Бундай фикрни Россия президенти Владимир Путин Япония бош вазири Синдзо Абэ билан ишчи нонуштаси форматидаги музокаралар бошида билдирди, деб ёзади «ТАСС».
Россия етакчиси Россия ва Япония иқтисодиётлари бир-бирини тўлдиришини таъкидлади. «Биз икки томонлама алоқаларнинг салоҳиятини очиш устида тер тўкишимиз керак», — деди у.
Ўз навбатида Япония ҳукумати раҳбари кириш сўзида икки томонлама ҳамкорлик истиқболларига эътибор қаратди. Унинг сўзларига кўра, Россия ва Япония «катта, аммо кенг соҳаларда очилмаган потенциал»га эга.
Умуман, Япония бош вазири Путин билан икки томонлама алоқаларни ривожлантириш зарурлиги ҳақида ҳамжиҳат фикрга келганини маълум қилди, буни улар, шу жумладан, ҳамкорликдаги лойиҳаларни аниқлаштириш йўли билан амалга оширади. Бундан ташқари, Абэ Россия ва Япониянинг алоҳида ҳудудлари ўртасидаги алоқаларни ривожлантириш муҳимлигига эътибор қаратди.
Изоҳ (0)