Варшавада мухолифат парламент қуйи палатаси биносини қуршаб олди

Варшавада мухолифат парламент (сейм) қуйи палатаси биносининг барча чиқиш эшикларини тўсиб қўйди, деб ёзади «РБК».

Reuters маълумотларига кўра, намойишчилар ОАВлар эркинлигини чеклайдиган янги қонун лойиҳаси қабул қилинишига қарши чиқмоқда. Норозилик акцияси иштирокчиларини полиция тарқатиб юборишга интилмоқда, аммо сеймга янги намойишчилар келмоқда.

Акция мажлис чоғида «Фуқаролик платформаси» мухолифат партияси депутати Михал Шчерба парламент трибунасига «ОАВга эркинлик» плакати билан чиққач, бошланган. Шундан сўнг парламентарий овоз бериш, шунингдек, қонун лойиҳасининг бундан кейинги муҳокамасида қатнашиш ҳуқуқидан маҳрум қилинган. Бундай қарорни сейм спикери, Польшанинг ҳукмрон консерватив партияси — «Ҳуқуқ ва адолат» партияси аъзоси Марек Кухчинский қабул қилган.

Бунга жавобан мухолифатчилар ўз жойларини тарк этиб, трибуна ёнида тўпланди ва шу тариқа саҳнага чиқиб нутқ сўзлашга имкон бермади.